Abstract
Mazkur maqolada zamonaviy jamiyatda axborot xavfsizligi bilan bog‘liq dolzarb muammolar tahlil qilinadi. Unda shaxsiy ma’lumotlarning himoyasizligi, kiberjinoyatlarning ko‘payishi, yolg‘on axborotlarning tarqalishi hamda axborot savodxonligining pastligi kabi omillar asosiy xavf manbalari sifatida ko‘rsatilgan. Maqolada real faktlar va misollar — jumladan, Facebook va Cambridge Analytica hodisasi, 2021-yilgi kiberhujumlar statistikasi va O‘zbekistondagi qonunchilik islohotlari orqali mavzuning amaliy ahamiyati yoritilgan. Muallif axborot xavfsizligini ta'minlashda texnik vositalar bilan bir qatorda axborot madaniyatini rivojlantirish, yuridik asoslarni mustahkamlash va ommaviy axborot vositalarida xavfsizlikni oshirish zarurligini ta’kidlaydi. Ushbu maqola axborot xavfsizligi bo‘yicha ilmiy izlanishlar olib borayotganlar, talaba va mutaxassislar uchun foydali nazariy va amaliy manba bo‘lib xizmat qiladi.