Publication Details
Abstract
Mazkur maqolada turizm sohasida investitsiyalar salohiyatini oshirishning dolzarb masalalari hamda ularni hal etishning ustuvor yo‘nalishlari tahlil qilinadi. Turizm iqtisodiyotning yuqori qo‘shimcha qiymat yaratuvchi va ko‘plab sohalar bilan uzviy bog‘liq tarmog‘i sifatida investitsiya resurslarini samarali jalb etishni talab etadi. Shu nuqtai nazardan, infratuzilmani modernizatsiya qilish, xizmatlar sifatini xalqaro standartlar darajasiga yetkazish va hududiy turizm salohiyatidan kompleks foydalanish investitsion jozibadorlikni oshirishning muhim sharti hisoblanadi. Maqolada davlat tomonidan yaratilayotgan huquqiy va iqtisodiy sharoitlar, soliq imtiyozlari, moliyaviy qo‘llab-quvvatlash mexanizmlari hamda davlat-xususiy sheriklik asosidagi loyihalarning ahamiyati yoritiladi. Shuningdek, turizm klasterlarini rivojlantirish, hududiy brendingni shakllantirish va raqamli marketing vositalaridan samarali foydalanish investitsiya oqimini ko‘paytirishga xizmat qilishi asoslab beriladi. Tadqiqot natijasida turizm sohasida investitsiya salohiyatini oshirish iqtisodiy barqarorlikni ta’minlash va hududlar raqobatbardoshligini kuchaytirishda muhim omil ekanligi ilmiy jihatdan asoslanadi.