MAKROIQTISODIY BARQARORLIKNI TA’MINLASHDA BANK TIZIMINING ROLI

Bozor iqtisodiyoti sharoitida tijorat banklari moliyaviy vositachi sifatida muhim o’rin tutadi, ular bo’sh turgan pul mablag’larini jamlab, ularni iqtisodiyotning turli tarmoqlariga yo’naltirish bilan ishlab chiqarishning uzluksizligini ta’minlaydi. Tijorat banklari jismoniy shaxslarning va yuridik shaxslarning vaqtincha bo’sh turgan pul mablag’larini qaytarishlilik, to’lovlilik, muddatlilik, ta’minlanganlik tamoyillari asosida jalb qilib, iqtisodiyot tarmoqlariga kredit sifatida joylashtiruvchi yuridik tashkilotdir.